Þór/KA mætir liði Tindastóls í 16 liða úrslitum Mjólkurbikarkeppninnar í dag. Leikurinn fer fram á Dalvíkurvelli og hefst kl. 12 á hádegi.

Þór/KA á einn fulltrúa í A-landsliðinu sem tilkynnt var í dag og þrjá í U23 landsliði sem kemur saman til æfinga í lok mánaðarins.

Þór/KA vann Keflavík með fjórum mörkum gegn engu í fimmtu umferð Bestu deildarinnar í gær. Fjórar skoruðu mörkin í þessum fjórða sigurleik liðsins í röð.

Fimmta umferð Bestu deildarinnar hefst í dag og okkar lið tekur á móti Keflvíkingum í Boganum.

Þór/KA2 hóf leik í annarri lotu í B-riðli Íslandsmótsins í 3. flokki í gær með heimsókn á Skagann þar sem stelpurnar mættu sameiginlegu liði ÍA, Skallagríms og Víkings í Ólafsvík. Mörkunum rigndi, samtals 13 mörk skoruð eða mark á rúmlega sex mínútna fresti.

Þór/KA vann Fylki í lotu 2 í A-riðli Íslandsmótsins í 3. flokki í dag. Þrjú mörk á stuttum kafla í fyrri hálfleik gerðu eftirleikinn nokkuð auðveldan hjá okkar liði.

Mark á lokamínútu venjulegs leiktíma tryggði okkar liði í B-deild 2. flokks U20 sigur á FHL í fyrsta leik liðsins í Íslandsmótinu.

Þór/KA vann sinn þriðja leik í röð í Bestu deildinni þegar liðið mætti bikarmeisturum og meisturum meistaranna í Víkingi á þeirra heimavelli. Mark á upphafsmínútunum náði ekki að brjóta niður baráttuglatt lið Þórs/KA sem svaraði með tveimur mörkum á innan við hálftíma. 

Þór/KA á hlut að máli í tveimur liðum sem við teflum fram í 2. flokki U20. Þar hefur A-liðið titil að verja í A-deildinni og við teflum einnig fram liði í B-deildinni sem spilar sinn fyrsta leik í dag.

Þór/KA mætir liði Víkings á útivelli í fjórðu umferð Bestu deildarinnar í dag. Leikurinn hefst kl. 16.