Þór/KA lauk keppni í A-deild Lengjubikarsins þetta árið með tapi í úrslitaleik og silfurverðlaunum. Eftir sigur í riðli 1 vann liðið Stjörnuna í vítaspyrnukeppni í undanúrslitum, en tapaði úrslitaleik gegn Breiðabliki á Kópavogsvelli. Það að tapa úrslitaleik byggir að sjálfsögðu á því að hafa unnið fyrir því að komast í úrslitaleikinn og þangað fóru aðeins tvö lið af 12 sem tóku þátt í riðlakeppni A-deildar Lengjubikarsins. 

Þór/KA sækir Breiðablik heim á Kópavogsvöll í úrslitaleik A-deildar Lengjubikarsins á morgun, föstudaginn 28. mars, og hefst leikurinn kl. 18.

Úrslitaleikur Lengjubikarsins er fram undan hjá okkar liði eftir sigur á Stjörnunni í vítaspyrnukeppni í undanúrslitaleik liðanna sem fram fór í Boganum í gærkvöld. Jafnt var eftir 90 mínútna leik, 1-1, en Þór/KA hafði betur í vítaspyrnukeppni, 4-2. Þór/KA mætir Breiðabliki í úrslitaleik mótsins föstudaginn 28. mars kl. 18 á Kópavogsvelli. Varpað var hlutkesti í gærmorgun um það hvar úrslitaleikurinn færi fram.

Þór/KA tekur á móti Stjörnunni í undanúrslitum A-deildar Lengjubikarsins í Boganum mánudaginn 24. mars kl. 18.

Sandra María Jessen er í leikmannahópi A-landsliðsins sem leikur tvo leiki í Þjóðadeild UEFA í lok mars og byrjun apríl. Að líkindum mun hún ná 50 leikja áfanganum í þessum landsleikjaglugga.

Vel heppnaðri æfingaferð meistaraflokks Þórs/KA til Kanarí lauk á miðvikudaginn með síðdegis flugi heim til Keflavíkur og næturakstri norður til Akureyrar. Síðasta kvöldið úti spilaði liðið æfingaleik við heimalið á suður hluta Gran Canaria. Liðið dvaldi á Maspalomas-svæðinu og æfði á frábærum velli á Salobre-svæðinu þar sem einnig er golfvöllur og glæsiíbúðir. 

Bríet Jóhannsdóttir og Sonja Björg Sigurðardóttir hafa verið valdar í landsliðshóp U19 sem spilar í 2. umferð undankeppni EM í byrjun apríl.

Þór/KA tók toppsætið í riðli 1 í A-deild Lengjubikarsins með öruggum fimm marka sigri á Fylki í Árbænum í gær og tryggði sér sæti í undan úrslitum Lengjubikarkeppninnar.

Þrjár úr Þór/KA hafa verið valdar í æfingahóp U16 landsliðsins sem kemur saman til æfinga í Miðgarði í Garðabæ síðar í vikunni.