U16: Þór/KA2 vann lotu 1 í C-riðli

Hópurinn eins og hann var skipaður í leiknum í gær. Aftari röð frá vinstri: Katrín Lilja Árnadóttir, Edda Júlíana Jóhannsdóttir, Kristín Emma Hlynsdóttir, Erika Rakel Melsen Egilsdóttir, Marsibil Stefánsdóttir, Arney Elva Valgeirsdóttir, Hafdís Nína Elmarsdóttir, Diljá Blöndal Sigurðardóttir. Fremri röð frá vinstri: Ásdís Fríður Gautadóttir, Ingibjörg Lóa Sævarsdóttir, Inga Sóley Jónsdóttir, Dagmar Huld Pálsdóttir, Sóley Eva Guðjónsdóttir, Rakel Eva Guðjónsdóttir. Fremst: Heiðbjört Kristín Ómarsdóttir.
- - -

Þór/KA2 vann ÍBV örugglega í gærkvöld, 6-0, í lokaleik sínum í C-riðli 3. flokks, lotu 1, vann riðilinn og spilar því í B-riðli í næstu lotu.

Arney Elva Valgeirsdóttir og Sóley Eva Guðjónsdóttir skoruðu báðar tvennu í leiknum í gær. Sóley Eva er næstmarkahæst í riðlinum með níu mörk, en keppni í riðlilnum er þó ekki lokið þó svo nú þegar sé ljóst að okkar stelpur vinna riðilinn og Haukar/KÁ enda í 2. sæti. Þessi tvö lið færast því upp í B-riðil í lotu 2. Keppni í lotu 2 stendur frá 14. maí til 10. júlí.

Þór/KA vann sex af sjö leikjum sínum í riðlinum, með markatöluna 36-11. Eini tapleikurinn var gegn Völsungi á Húsavík í fyrsta leik tímabilsins 4. mars. Alls komu 22 stúlkur við sögu í leikjum liðsins í riðlinum (sjá hér), en myndin sem fylgir fréttinni er af hópnum eins og hann var skipaður í gær. 

Þór/KA2 - ÍBV 6-0 (2-0)

• 1-0 - Arney Elva Valgeirsdóttir (21')
• 2-0 - Arney Elva Valgeirsdóttir (29')
• 3-0 - Sóley Eva Guðjónsdóttir (43')
• 4-0 - Marsibil Stefánsdóttir (47')
• 5-0 - Sóley Eva Guðjónsdóttir (49')
• 6-0 - Erika Rakel Melsen Egilsdóttir (78')
• Leikskýrslan (ksi.is)

Hér má sjá stöðuna í mótinu eins og hún er núna, en nokkur lið eiga eftir að klára sína leiki. Ekkert þeirra getur þó náð Þór/KA á toppi riðilsins.