Þrjár með U19 og fjórar með U16

Ísfold Marý Sigtryggsdóttir, Kimberley Dóra Hjálmarsdóttir og Jakobína Hjörvarsdóttir.

Yngri landsliðin koma saman til æfinga í janúarmánuði. Þar eigum við okkar fulltrúa eins og ávallt.

U19 landsliðið, sem Margrét Magnúsdóttir stýrir, kemur saman til æfinga í fyrri hluta komandi viku, 16.-18. janúar. Meðal annars mun liðið leika æfingaleik við meistaraflokk Stjörnunnar. U19 landsliðið undirbýr sig fyrir æfingamót í Algarve í Portúgal 14.-22. febrúar, en liðið er einnig á leið í undanriðil fyrir EM 2023 í vor.

Okkar stelpur í U19:

Ísfold Marý Sigtryggsdóttir
Jakobína Hjörvarsdóttir
Kimberley Dóra Hjálmarsdóttir

Nánar hér á vef KSÍ.

Fjórar æfa með U16

Magnús Örn Helgason og Margrét Magnúsdóttir, landsliðsþjálfarar U16, verða með æfingar 18.-20. janúar og hafa valið æfingahóp. Þar eigum við í Þór/KA fjóra fulltrúa, allar fæddar 2007, sem eru:

Katla Bjarnadóttir
Karlotta Björk Andradóttir
Kolfinna Eik Elínardóttir
Tinna Sverrisdóttir

Nánar hér á vef KSÍ.