Karfan er tóm.
Sonja Björg með þrennu fyrir Völsung
18.04.2022
Sonja Björg og Amalía að loknum fyrsta leik sínum með Völsungi á dögunum.
Una Móeiður Hlynsdóttir hefur bæst í hóp þeirra leikmanna sem við höfum lánað til Völsungs. Liðið er komið í úrstlitaleik C-deildar Lengjubikarsins.
Við sögðum frá því nýlega að tvær úr okkar hópi hafi verið lánaðar til Völsungs og nú hefur sú þriðja bæst í hópinn, Una Móeiður Hlynsdóttir (2005) er komin í þingeyska boltann ásamt þeim Amalíu Árnadóttur (2006) og Sonju Björgu Sigurðardóttur (2006).
Þær voru allar í byrjunarliði Völsungs í dag þegar liðið mætti Gróttu í undanúrslitum C-deildar Lengjubikarsins. Skemmst er frá því að segja að Sonja Björg skoraði öll þrjú mörk Völsungs í 3-2 sigri og er liðið því komið í úrslitaleik C-deildarinnar þar sem þær mæta ÍA næstkomandi föstudag.
Hér er frásögn á Facebook-síðu Græna hersins.
Hér er leikskýrslan á vef KSÍ.
Vel gert, stelpur!
