Sigur í gær og Sandra með tvö

Þór/KA vann Þrótt í þriðju umferð Bestu deildarinnar í gær. Annar sigurinn í röð og tveir sigrar í þremur leikjum í Bestu deildinni. 

Gestirnir byrjuðu leikinn þó af mun meiri krafti en okkar konur, virtust ákveðnari og sóttu meira, en vantaði að skapa sér færi. Þór/KA vann sig hægt og örugglega inn í leikinn og mark á besta tíma, undir lok fyrri hálfleiks, gaf sjálfstraustið sem þurfti til að stýra seinni hálfleiknum betur en þeim fyrri. Með seinna markinu hertu þær tökin á leiknum, en Þróttarar náðu að skora mark á fjórðu mínútu uppbótartímans. 

Þór/KA - Þróttur 2-1 (1-0)

• 1-0 - Sandra María Jessen (43'). Stoðsending: Margrét Árnadóttir.
• 2-0 - Sandra María Jessen (60'). Stoðsending: Lara Ivanuša.
• 2-1 - Caroline Murray (90+4')
• Leikskýrslan (ksi.is)
• Besta deildin (ksi.is) 
• Mörkin (ruv.is, tíufréttir, 10:50)
• Uppgjör og viðtöl (visir.is)
• Viðtal SMJ (visir.is)
• Lýsing, skýrsla, viðtöl (fotbolti.net)
• Lýsing og umfjöllun (mbl.is)
• Viðtal ABS (mbl.is)

Molar og fróðleikur

• 0 - Sandra María Jessen hefur ekki átt neina stoðsendingu í fyrstu þremur leikjum liðsins í Bestu deildinni í sumar. Af hverju? Af því að hún hefur skorað öll mörk liðsins.
• 1 - Sonja Björg Sigurðardóttir átti sína fyrstu innkomu í Bestu deildinni í gær þegar hún leysti Agnesi Birtu Stefánsdóttur af hólmi í uppbótartíma leiksins. Sonja Björg, sem að jafnaði spilar í framlínunni, kom inn í stöðu miðvarðar. Sonja Björg hefur samtals spilað 38 meistaraflokksleiki og skorað 17 mörk.
• 5 - Lara Ivanuša hefur átt fimm stoðsendingar í þeim sex leikjum sem hún hefur spilað fyrir félagið. Þrjár í fjórum leikjum í Lengjubikar og tvær í tveimur leikjum í Bestu deildinni. 
• 32 - Lidija Kuliš fagnaði 32ja ára afmæli jafnframt því að vera í byrjunarliðinu í þriðja leiknum í röð í Bestu deildinni. 
• 173 - er fjöldi þeirra sem lögðu leið sína í Bogann til að fylgjast með leiknum.
• 270 - Hulda Ósk Jónsdóttir er komin í 270 meistaraflokksleiki í KSÍ-mótum og Evrópukeppnum.