Sandra María meðal tíu efstu kvenna hjá ÍBA

Maddie Sutton og Sandra María Jessen, íþróttakonur Þórs 2023.

Íþróttabandalag Akureyrar hefur birt lista yfir það íþróttafólk sem varð í tíu efstu sætunum í kjöri íþróttafólks Akureyrar 2023. Sandra María Jessen er þar á meðal tíu efstu kvenna. 

Sandra María var kjörin íþróttakona Þórs og deilir titlinum með körfuknattleikskonunni Maddie Sutton þar sem þær urðu jafnar í kjörinu. Þær voru báðar tilnefndar af félaginu í kjöri íþróttakonu Akureyrar 2023 og eru báðar á topp tíu listanum sem ÍBA hefur birt í frétt á vef sínum.

Íþróttahátíð Akureyrar fer fram í Hofi miðvikudaginn 31. janúar og hefst kl. 17:30. Hátíðin er öllum opin að því er fram kemur í frétt ÍBA.