Sandra María með í næstu verkefnum A-landsliðsins

Landsliðshópurinn fyrir næstu verkefni sem verða í byrjun desember.
- - -

Þorsteinn Halldórsson, þjálfari A-landsliðs kvenna, hefur valið leikmannahópinn fyrir tvo síðustu leikina í Þjóðadeild UEFA. Ísland mætir Wales á útivelli 1. desember og Danmörku, einnig á útivelli, 5. desember.

Það kemur okkur auðvitað ekkert á óvart að Sandra María Jessen er áfram í þessum hópi enda hefur hún verið í byrjunarliði landsliðsins í þeim fjórum leikjum sem liðið hefur spilað í Þjóðadeildinni hingað til.

Mótið (ksi.is)

Sandra María er nú komin með 37 landsleiki í sarpinn og vonandi bætast tveir við innan tíðar.

Ísland hefur leikið fjóra leiki hingað til, unnið einn og tapað þremur. Sigurinn kom í fyrsta leik liðsins í mótinu, á heimavelli gegn Wales. Úrslitin í leiknum gegn Wales 1. desember skipta miklu máli upp á áframhaldandi veru í A-deild Þjóðadeildarinnar.