Sandra María með A-landsliðinu gegn Noregi og Sviss

Sandra María Jessen er í leikmannahópi A-landsliðsins sem leikur tvo leiki í Þjóðadeild UEFA í lok mars og byrjun apríl. Að líkindum mun hún ná 50 leikja áfanganum í þessum landsleikjaglugga.

Þorsteinn H. Halldórsson landsliðsþjálfari hefur valið hóp leikmanna fyrir þessi tvö verkefni A-landsliðsins - hópurinn (ksi.is). Sandra María á að baki 49 landsleiki og hefur skorað sex mörk. Þá spilaði hún einnig 25 landsleiki fyrir yngri landslið Íslands.

Ísland er í 3. sæti riðilsins að loknum tveimur umferðum, eftir jafntefli við Sviss og 2-3 tap gegn Frakklandi ytra í febrúar. Lokalota riðilsins fer svo fram í lok maí og byrjun júní, en þá spilar Ísland við Noreg ytra og Frakkland heima. Heimaleikirnir núna í apríl verða spilaðir á Þróttarvellinum í Laugardal og verða í beinni útsendingu á Rúv.

Leikirnir í apríl

• Föstudagur 4. apríl: Ísland - Sviss
• Þriðjudagur 8. apríl: Ísland - Sviss

Leikirnir í maí/júní

• Föstudagur 30. maí: Noregur - Ísland
• Þriðjudagur 2. júní: Ísland - Frakkland

Fréttir og upplýsingar um Þjóðadeild UEFA má finna á vef sambandsins - sjá hér.

Miðasala á heimaleikina tvo í byrjun apríl er hafin og fer fram í smáforritinu Stubbi - sjá hér.

Sandra María í landsliðsverkefni, hér með ungliðunum Kötlu Tryggvadóttur og Sædísi Rún Heiðarsdóttur, líklega að hlusta á skilaboð frá þjálfaranum. Myndin er af Facebook-síðu KSÍ.