María Gros með fyrsta markið

María Catharina Ólafsdóttir Gros. Mynd: Celtic FC.

María Catharina Ólafsdóttir Gros skoraði sitt fyrsta mark sem atvinnumaður með Celtic FC í Skotlandi þegar liðið sigraði Partick Thistle í dag, 6-0.

Þetta var fimmti leikur Celtic í skosku úrvalsdeildinni, en fyrir leikinn í dag var liðið með 10 stig, eins og aðalkeppinautarnir í Glasgow City FC. Bæði lið höfðu unnið þrjá leiki, auk þess að gera 2-2 jafntefli í innbyrðis viðureigninni. Glasgow City vann einnig sinn leik í dag þannig að liðin eru með 13 stig, en Celtic er í 2. sæti sem stendur á markamun.

María hefur komið við sögu í öllum leikjum liðsins í deildinni, tvisvar verið í byrjunarliði og þrisvar komið inn sem varamaður. Hún kom inn sem varamaður í leiknum í dag og skorað fimmta mark liðsins á 85. mínútu.

Hér eru mörkin úr leiknum á YouTube-síðu liðsins - mark Maríu er á 4:00 - glæsilegt mark sem hún skoraði með skoti fyrir utan teig. María átti síðan fyrirgjöf sem leiddi að sjötta marki liðsins.

Upplýsingarsíða skosku úrvalsdeildarinnar. 

Mæðgurnar Anna Catharina Gros sjúkraþjálri og María Catharina Ólafsdóttir Gros í Glasgow nýlega. Myndin er fengin af Facebook-síðu foreldranna.

Stoltir foreldrar með leikmanni Celtic. Ólafur Svansson, María Catharina Ólafsdóttir Gros og Anna Catharina Gros. Myndin er fengin af Facebook síðu foreldranna.