Lokaleikur okkar í Kjarnafæðismótinu

Þór/KA mætir liði Völsungs í Boganum kl. 15 í dag.

Ljóst er að annaðhvort Þór/KA eða Þór/KA2 mun standa uppi sem sigurvegari mótsins eftir leik dagsins. Þór/KA stendur betur að vígi og myndi vinna mótið þó svo leikurinn gegn Völsungi myndi tapast - nema ef hann myndi tapast stórt. Bæði lið hafa nú níu stig. Þór/KA2 hefur lokið sínum leikjum og þyrfti því að treysta á stórsigur Völsungs gegn Þór/KA til að ná fyrsta sætinu, Þór/KA hefur markatöluna 18-1 og Þór/KA2 er með 16-6. Sjö mörkum hagstæðari markamunur hjá Þór/KA. Til viðbótar má svo nefna að Völsungur hefur aðeins leikið einn leik þannig að ef liðið vinnur leikinn á morgun, auk leikjanna gegn FHL og Tindastóli færi Völsungsliðið í níu stig eins og Þór/KA-liðin. 

Leiknum verður streymt á Þór TV og kostar 1.000 krónur að horfa. Smellið hér til að horfa.

Leikskýrslan á vef KSÍ.
Mótið á vef KSÍ.