Landsliðsval: Ein frá Þór/KA í U19 og tvær í U15

Bríet Jóhannsdóttir hefur verið valin í hóp U19 landsliðsins sem tekur þátt í undanriðli fyrir EM 2025 í lok mánaðarins.

Íslenska landsliðið er í riðli 6 ásamt Spánverjum, Belgum og Norður-Írum. Riðillinn verður spilaður á Spáni 26. nóvember til 4. desember, en landsliðið kemur einnig saman til æfinga 22.-23. og 25. nóvember hér heima.

Þjálfari U19 landsliðsins er Þórður Þórðarson.

Leikir Íslands

• Miðvikudagur 27. nóvember kl. 17
  Ísland - Belgía
• Laugardagur 30. nóvember kl. 11
  Spánn - Ísland
• Þriðjudagur 3. desember kl. 11
  Norður-Írland - Ísland
• Mótið á vef UEFA

Tvær frá Þór/KA með U15

Þær Bríet Fjóla Bjarnadóttir og Hafdís Nína Elmarsdóttir hafa verið valdar í landsliðshóp U15 sem tekur þátt í UEFA Development Tournament í Englandi 20.-26. nóvember. Hópurinn kemur saman til æfinga í Miðgarði í Garðabæ 18. og 19. nóvember.

Þjálfari U15 landsliðsins er Margrét Magnúsdóttir. 

• Hópurinn (ksi.is)