Kjarnafæðimótið: Hulda Ósk með þrennu í öruggum sigri

Þór/KA mætti liði FHL í fyrsta leik sínum í Kjarnafæðimótinu í Boganum í dag og vann örugglega, 7-0.

Lið gestanna var reyndar blanda úr FHL og Einherja, en Þór/KA tefldi fram sínu sterkasta liði.

Þór/KA hafði undirtökin allan leikinn. Fyrsta markið kom eftir stundarfjórðung þegar Hulda Ósk Jónsdóttir skoraði úr vítaspyrnu. Þrjú mörk í viðbót komu frá Þór/KA í fyrri hálfleiknum og bar meðal annars til tíðinda að Hulda Ósk skoraði þrennu á rúmum 20 mínútum.

Staðan var 4-0 eftir fyrri hálfleikinn og þrjú mörk bættust við í þeim seinni og lokatölur 7-0.

Þór/KA - FHL  7-0 (4-0)

• 1-0 #22 Hulda Ósk Jónsdóttir (v) (15'). Fékk vítið sjálf.
• 2-0 #9 Karen María Sigurgeirsdóttir (18'). Stoðsending: Sandra María Jessen.
• 3-0 #22 Hulda Ósk Jónsdóttir (29'). Stoðsending: Margrét Árnadóttir. 
• 4-0 #22 Hulda Ósk Jónsdóttir (36'). Stoðsending: Hulda Björg Hannesdóttir.
• 5-0 #10 Sandra María Jessen (63'). Stoðsending: Kolfinna Eik Elínardóttir.
• 6-0 #14 Margrét Árnadóttir (69'). Stoðsending: Amalía Árnadóttir.
• 6-0 #19 Agnes Birta Stefánsdóttir (77'). Stoðsending: Karen María Sigurgeirsdóttir.
• Áhorfendur: 60

Leikskýrslan

Næst

• Mót: Kjarnafæðimótið
• Leikur: Völsungur - Þór/KA
• Staður: Boginn
• Dagur: Sunnudagur 14. janúar
• Tími: 17:00