Glæsilegt happdrætti meistaraflokks - sala í fullum gangi - dregið 3. mars

Leikmenn meistaraflokks bjóða upp á glæsilegt happdrætti sem er liður þeirra í að fjármagna æfingaferð liðsins í næsta mánuði. Vinningar eru frá fjölmörgum fyrirtækjum, bæði innan og utan Akureyrar, og kunnum við þessum fyrirtækjum bestu þakkir fyrir stuðninginn. 

Sala á happdrættismiðum er hafin, leikmenn og aðstandendur verða væntanlega á samfélagsmiðlum með auglýsingar og einhverjar úr hópnum munu ganga í hús og selja. Við hvetjum fólk til að taka vel á móti þeim. 

• Verðmæti vinninga: Um 1,4 milljónir króna
• Útgefnir miðar: 2.500 stk.
• Aðeins dregið úr seldum miðum
• Vinningshafar fá vinningana afhenta beint frá þeim leikmanni sem seldi viðkomandi miða.
• Dregið 3. mars 2025
• Verð miða: 2.500 krónur. Þrír saman á 6.000 kr., fimm saman á 10.000 kr.

Hér að neðan má sjá vinningana sem í boði eru. Alls verða dregnir út 35 vinningar, en hver vinningur samanstendur af tveimur eða fleiri atriðum (gjafabréfum, þjónustu, vörum) og hæsti vinningurinn samanlagt að verðmæti yfir 200 þúsund krónur.

Ef smellt er á myndirnar opnast pdf-skjal með allri vinningaskránni.