Fjórar á landsliðsæfingum í vikunni

Krista Dís Kristinsdóttir er ein af okkar stelpum sem æfa með yngri landsliðum Íslands í vikunni. Hér er hún með verðlaun sem efnilegasti leikmaður Hamranna 2021.

Þessa dagana standa yfir æfingar yngri landsliða kvenna og þar eigum við í Þór/KA - og reyndar Hömrunum einnig - okkar fulltrúa eins og að segja má nánast alltaf, ef ekki alltaf.

Æfingar U17 landsliðs kvenna hófust í Skessunni í Hafnarfirði í gær og standa fram á miðvikudag. Liðið undirbýr sig nú fyrir milliriðil í undankeppni fyrir EM. Liðið mætir Írlandi, Finnlandi og Slóvakíu í milliriðli sem spilaður verður á Írlandi 23.-29. mars.

Tvær frá okkur eru í U17 hópnum að þessu sinni, Angela Mary Helgadóttir og Krista Dís Kristinsdóttir.

Hér má sjá frétt á vef KSÍ með lista yfir leikmannahópinn.

Tvær frá Þór/KA á æfingum með U16

Þær Krista Dís Kristinsdóttir og Sonja Björg Sigurðardóttir verða við æfingar með U16 landsliðshópnum síðari hluta vikunnar, 12.-14. janúar, einnig í Skessunni í Hafnarfirði.

Hér má sjá frétt á vef KSÍ og hópinn sem kemur saman til æfinga. 

Magnús Helgason er þjálfaru U17 og U16 landsliða kvenna.