Enn einn sigur hjá 3. flokki

Leikmannahópurinn í dag. Við höfum oft birt myndir af markaskorurum, en eins og knattspyrnuáhugafólk veit eru það allir leikmennirnir sem vinna leikinn - stundum er það vörnin eða markvarslan sem skiptir sköpum þó svo auðvitað þurfi alltaf að skora mörk til að vinna leiki.

Þór/KA sigraði HK í sjötta og næstsíðasta leik sínum í 1. lotu A-riðils Íslandsmótsins í 3. flokki.

Leiknum lauk með 2-0 sigri og voru það þær Bríet Jóhannsdóttir og Ólína Helga Sigþórsdóttir sem skoruðu mörkin. 

Þór/KA er áfram í toppsætinu, nú með 16 stig að loknum sex leikjum. Næst á eftir koma Haukar/KÁ með níu stig úr þremur leikjum, hafa unnið alla leiki sína til þessa. Haukar/KÁ eru einmitt það lið sem Þór/KA á eftir að mæta í þessari 1. lotu. Sá leikur er á dagskrá í Boganum laugardaginn 23. apríl.

Leikskýrslan á vef KSÍ.
Mótið - staða, úrslit leikjadagskrá - á vef KSÍ.

 
Markaskorarar dagsins: Bríet Jóhannsdóttir og Ólína Helga Sigþórsdóttir.