Markaveisla í Boganum

Þór/KA-stelpur að loknum sigrinum í dag.

Þór/KA vann öruggan 6-3 sigur á Val/KH í Íslandsmóti 3. flokks, A-riðli í Boganum í dag.

Byrjunin var reyndar ekki frábær hjá okkar liði og gestirnir skoruðu fyrsta markið. Stelpurnar í Þór/KA náðu þó vopnum sínum og skoruðu tvö mörk í fyrri hálfleiknum, staðan orðin 2-1.

fjögur mörk í viðbót komu svo í seinni hálfleiknum og staðan orðin 6-1, en Valur/KH náði að skora tvö mörk alveg í lokin og úrslitin 6-3. Þessi þrjú mörk í dag eru reyndar fyrstu mörkin sem liðið fær á sig, en markatala liðsins er nú 16-3 eftir þrjá leiki.

Júlía Margrét Sveinsdóttir skoraði tvö mörk fyrir Þór/KA og þær Angela Mary Helgadóttir, Krista Dís Kristinsdóttir, Rebekka Sunna Brynjarsdóttir og Sonja Björg Sigurðardóttir eitt hver.

Þór/KA hefur unnið fyrstu þrjá leiki sína í mótinu og er því á toppi A-riðils með níu stig. 

Næst á dagskrá hjá liðinu er helgarferð á höfuðborgarsvæðið þar sem stelpurnar mæta Breiðabliki/Augnabliki laugardaginn 2. apríl og FH/ÍH sunnudaginn 3. apríl. Sömu helgina eru tveir leikir á dagskrá hjá Þór/KA2 í C-riðli Íslandsmótsins, en liðið mætir Þrótti á laugardeginum og Fjölni á sunnudeginum.

Leikskýrslan á vef KSÍ.
Staðan í A-riðli og leikjadagsrká á vef KSÍ.
Staðan í C-riðli og leikjadagskrá á vef KSÍ.

Markaskorarar dagsins, frá vinstri: Sonja Björg Sigurðardóttir, Júlía Margrét Sveinsdóttir, Angela Mary Helgadóttir, Rebekka Sunna Brynjarsdóttir og Krista Dís Kristinsdóttir.