Þór/KA

Erfiðu og lærdómsríkutímabili lauk þegar Þór/KA vann Víking á útivelli í 21. umferð Bestu deildarinnar, lokaumferð neðri hlutans, og tryggði sér áframhaldandi sæti í Bestu deildinni. Mánuði seinna má segja að ekki aðeins hafi tímabilinu lokið heldur sögu félagsins einnig þegar tilkynnt var um slit á samstarfinu. Lokakafli sögunnar, tímabilið 2026, verður rifjaður upp hér í máli, myndum og fróðleiksmolum.

Eftir 28 keppnistímabil heyrir félagið okkar sögunni til: 26 ár í efstu deild, tveir Íslandsmeistaratitlar, Evrópuleikir og ótal minningar.

Sjálfboðaliðar halda starfi íþróttafélaga og íþróttaliða gangandi. Án þeirra myndi allt stöðvast. Sjálfboðaliða starf og þáttur þess í rekstri Þórs/KA eins og annarra íþróttaliða og -félaga verður seint metinn til fjár og líklega óvinnandi vegur að mæla það í krónum og aurum. 

Knattspyrna er leikur án fordóma. Heiðarleg framkoma utan vallar sem innan leiðir af sér betri og skemmtilegri knattspyrnu. Við hvetjum okkar lið með jákvæðum og uppbyggilegum hætti og berum virðingu fyrir öllum þátttakendum leiksins.

Þór/KA tefldi fram einu liði í Íslandsmóti og bikarkeppni U20 (2. flokkur) í samvinnu við Völsung og Dalvík undir heitinu Þór/KA/Dalv/Völ. Liðið vann til silfurverðlauna í báðum mótunum.

Þrjú lið frá Þór/KA tóku þátt í Íslandsmóti og bikarkeppni í sumar, í sambandi við nokkur önnur félög á Norðurlandi. Þá tóku lið frá Þór/KA einnig þátt í Gothia Cup í Gautaborg í júní. Hér eru teknar saman ýmsar upplýsingar um þátttöku U16 liðanna þ…